WETIN MY CHURCH DO FOR ME

Na so so hunger wire me

I run go meet my pastor

He com dey search for something

I think say na money

He comot tithe register

Na him economy crash

I no com get cash

I go meet church

Where I dey pay offering

They tell me say money no dey.

I wonder where all my money go.

I contribute money for church university

They talk say na God work

I even help them build am

After the school complete

My salary no fit send my pikin go the school

Pastor say make I be church worker

I work well well

All my money and time I give dem

Small contribution like dis

I go chuk hand for pocket

I no sabi say

 na the money na him pastor

 Go use buy private jet

And him wife limousine

Me still dey use my benz; leggediz benz

My church dey collect taxes pass government

Even the one wey they suppose give Caesar

They go ask for am

For Sunday we dey give offerings wey get different names

Tuesday na to sow seed

Thursday na prayer offering

I com dey wonder,na who dey do the work?

God or pastor

Make una no stone me o

But as I sit down now

I still dey think wetin church do for me

Even when person die

They no go ask if him be Christian

They go ask which church him dey go